Ga-ugtas nga Maestra

papas: litanya sa maestrang mangtas

Na hala,
Karong buntaga
Lamyon ko ang tanan:

Ang inyong "May I go out,"
Ang mga nagpahipi
Ninyong balikas
Nga karon
Kalayaton padu'ng
Sa akong dagway,
Ang mga katuwaron
ninyong panghuy-ab,
Ang galupad-lupad
ninyong mga huna-huna
sa tunga-tunga
Sa nagkalandrakas
ninyong zero,
Kay nasabyagan
Sa nagkadugong
"I don't know, Ma'am."

Sige, ihurot ang tanan.
Iapil ang mga nangapan-os
Nga kasaba ni mamang ug tatang
Sinambogan og tunglo.

Kay unya,
Sa pagpamauli ninyong tanan
Manghilam-os ko atubangan
Sa blackboard,
Papason ang tanan
Sa parat-parat nakong
Sip-on.

-- GINA MANTUA-PANES
Cebu City, Philippines


ANG AKONG BALAK...



Nagpasalamat ra gyud ko

Na dili nako ni ginabati

Sa akong mga klase

Diha sa USEP

Kay ang akong mga estudyante

Dili ingon kanunay magsangpit

Ug "I don't know."

Pati "May I go out?"

Kay kanunay kong makit-an

Sa ilang mga mata

Ang interes

Sa isturyang bahin sa balak

Ug literaturang Pilipinhon.



Naghinaut ko na wala ko

Magkamali sa akong

Kinasinatian.



-- D.S. :-)